Hrơi jơnum ngui hmâo bôh than čơkă mơ-ak hơdor glăi 133 thun hrơi tơkeng Khua mir sir Hồ Chí Minh (19/5). Nao gum hrom hrơi jơnum hmâo rơbêh kơ 400 čô mơnuih thâo bruă đưm, mơnuih pơdah tơlơi adôh suang hăng hơdôm mơnuih pơplông mơng djop djuai ania dô̆ hơdip mơda ƀơi hơdôm bôh să, tơring kual amăng tơring glông.

Pơphun amăng 2 hrơi lơ 9 hăng lơ 10/5, hrơi jơnum ngui hmâo lu bruă mă kah hăng” Pơdah glăi hơdôm phiăn ngă yang mơng plơi pla djop djuai ania amăng tơring glông; Atông čing hơgor hăng hơdôm gông brô̆ djuai ania pô; Hơdră pơdŏng sang tui phiăn juăt djuai aniă hăng pơdă prưng gơnam tam pha ra mơng plơi pla; Pơplông pơkra gong drai hăng hơdôm tơlơi pơplông đưm; Pơplông pơdah băn ao tui phiăn djuai ania; Pơplông tơnă hơbai hăng hơdôm tơlơi ngui ngor đưm.

Nghệ nhân Y Ân (djuai ania Bơnông) ƀơi plơi Phú Lợi, să Quảng Phú, tơring glông Krông Nô, tơring čar Dak Nông lăi lĕ, bruă pơphun hrơi jơnum ngui amra djru pơdŏng, pơgang hăng ngă tui gru hiam bôh thâo đưm mơng djop djuai ania amăng tơring glông./.