Jơnum jar kmar kơ Amăng rơ-ưng gŭ čư̆ apui kơdir tal 20 thun anai hơmâo tŭ mă 28 mơta tơlơi čih kơsem min boh thâo ia rơgơi tơlơi pơhing, hră pơar yôm lăi nao kơ čư̆ apui kơdir hăng amăng rơ-ưng gŭ čư̆ mơ̆ng lu anih amăng rŏng lŏn tơnah, djru pơtrut pơđĭ kyar hrom mơ̆ng Jơnum min Amăng rơ-ưng čư̆ apui kơdir jar kmar. Jơnum bơkơtuai boh thâo ia rơgơi “15 thun pơđĭ kyar anih hyu ngui amăng gŭ lŏn ƀơi Việt Nam” ăt hơmâo tŭ mă 15 mơta tơlơi čih kơsem min pơblang tong ten yua ƀing khua mua amăng bruă hơduah ĕp amăng rơ-ưng gŭ lŏn rŏng lŏn tơnah.
Ƀing ngă bruă ĕp lăng amăng rơ-ưng gŭ lŏn kual ASIA-Thái Bình Dương hăng hơdôm dêh čar kah hăng Japan, Hàn Quốc….; kah pơpha kơ boh tơhnal, hơdôm tơlơi hrăm, tơlơi thâo thăi tom găn rơgao mơ̆ng bruă hơduah ĕp amăng rơ-ưng gŭ lŏn ƀơi Việt Nam kah hăng anih hyu ngui amăng rơ-ưng gŭ lŏn Dap Kơdư pơtâo Đồng Văn-Hà Giang, anih hyu ngui gŭ lŏn rŏng lŏn tơnah Non nước Cao Bằng, amăng rơ-ưng čư̆ pơtâo Lạng Sơn.
Jơnum anai ăt ƀuh bruă kĭ hră hơdor pioh ngă hrom mơ̆ng djop anom bruă ĕp lăng amăng rơ-ưng gŭ lŏn Việt Nam hăng jar kmar UNESCO Dak Nông, sang bruă wai lăng amăng rơ-ưng gŭ lŏn Dap Kơdư lŏn pơtâo Đồng Văn-Hà Giang, anih hyu ngui amăng rơ-ưng gŭ lŏn UNESCO Non nước Cap Bằng hăng anih hyu ngui gŭ lŏn rŏng lŏn tơnah UNESCO Mudeungsan dêh čar Hàn Quốc.
Viết bình luận