Kiăo tui anun, lu anom wai lăng tuai čuă ngui pơdŏng tour 1 hrơi, tour 3 hrơi 2 mlăm ƀudah 4 hrơi 3 mlăm, amăng anun tour 4 hrơi 3 mlăm dưi dăp hơdră djru hăng mông hăng hơdôm bruă mă mơng Jơnum ngui kiăng ngă gal brơi kơ tuai hyu čuă lăng, gum hrom Jơnum ngui.
Hrom hăng 18 bruă mă phun mơng Jơnum ngui, tuai amra ruah mă hơdôm tour gum hrom ƀơi hơdôm kual tuai čuă ngui amăng hăng gah rơngiao kơ plơi prong Buôn Ma Thuột; hơdôm tour găn rơgao lăng kah hăng: juă rơdêh dang wang, đĭ čư̆, waih song găn drai ia.
Juă rơdêh dang wang găn dlai klô ƀudah hơduah ĕp lăng kơ phun kơ phê, bruă pla hăng hơdôm črăn pơkra kơ phê ƀơi Daklak. Biă ñu, lu tour pơjing kơ tuai hơduah ĕp lăng tơlơi hơdip, bôh thâo, gơnam ƀong huă, phiăn juăt mơng djuai ania Êđê, djuai ania Bơnông hăng bôh thâo đưm, gơnam ƀong huă mơng djuai ania Lao ƀơi Dăp Kơdư./.
Viết bình luận