VOV4.Jarai - Tơdơi kơ hơdôm hrơi pơdơi yua kơ bơdjơ̆ nao mơng klin Covid-19, ƀơi Anom bôh thâo tơring čar Daklak, Gơnong bruă bôh thâo, bơkơjăp drơi jăn hăng tuai čuă ngui tơring čar Daklak pơphun jơlan hơdră pơdah bôh thâo atông čing hơgor hăng anăn ñu “Dô̆ na nao jua čing mơñi” kiăng pơdah kơ mơnuih ƀôn sang hăng tuai hyu čuă ngui.

Rơngiao kơ hmư̆ lăng hơdôm tơlơi atông čing pha ra, tuai gum hrom dô̆ mơñum lăng tơpai čeh, čut kông hăng gum hrom yun suang arăp, tô nao rai tơngan suang. Gơnong bruă bôh thâo bơkơjăp drơi jăn hăng tuai čuă ngui tơring čar Daklak brơi thâo: Anai lĕ bruă mă yôm phăn lăi pơthâo truh mơnuih ƀôn sang, tuai čuă ngui bôh yôm pha ra mơng bôh thâo čing hơgor Dăp Kơdư; lăi pơhưč gru rŭp, anô̆ gal anih tuai čuă ngui, bôh thâo đưm mơng tơring čar Daklak./.  

Siu H’ Prăk: Pơblang