VOV4.Jarai - Ƀơi să Ea Tar, tơring glông Čư̆ Mgar, tơring čar Daklak, Gơnong bruă bôh thâo – bơkơjăp drơi jăn hăng tuai čuă ngui Daklak pơphun hơkrŭ glăi Phiăn ngă adơi ayong mơng djuai ania Êđê kiăng hơkrŭ glăi hăng ngă tui hơdôm gru hiam bôh thâo đưm mơng djop djuai ania ƀiă ƀơi tơring glông. Phiăn ngă tui ƀơi sang yă H’ Djuăn Niê, ƀơi ƀôn Drai Si, să Ea Tar, tơring glông Čư̆ Mgar, ngă adơi ayong hăng ơi Y Thôn Niê.

Phiăn ngă yang pơphun tui phiăn juăt đưm hăng 3 wot ngă yang, gơnam pioh ngă yang hmâo 7 bôh čeh tơpai, sa drơi un bŏng kreo hăng 2 drơi mơnŭ, hmâo tơlơi nao pơhmư̆ hăng dô̆ lăng mơng lu neh wa kơnung djuai 2 bơnah sang anô̆. Gơnong bruă bôh thâo – bơkơjăp drơi jăn – tuai čuă ngui tơring čar Daklak brơi thâo, bruă hơkrŭ glăi phiăn juăt mơng djop djuai ania ƀơi anai amra rơngiă tui, djru pơgang hăng ngă tui hơdôm nua yôm bôh thâo čing hơgor ƀơi plơi pla./.        

Siu H’ Prăk: Pơblang