Bruă pơdă prưng, pơplông phun rok kyâu hiam tơring čar Daklak pơphun mơng lơ 7 truh kơ lơ 15/3. Jơlan hơdră tum pơƀut rơbêh kơ 6.000 mơta gơnam pơdă prưng hăng năng ai ñu 1.000 mơta phun rok kyâu djop mơta gum hrom pơplông kah hăng: Phun kyâu hiam; Bôh pơtâo trah; Bơnga hơtai rơman; Hnal kyâu; Čim hiam. Bruă pơdă prưng ngă pơhư̆č rơbêh kơ 500 čô mơnuih thâo hơdră rai mơng 11 bôh tơring čar, ƀôn prong amăng đơ đam dêh čar.
Bruă pơdă prưng tal anai kiăng lăi pơhư̆č, lăi pơthâo kơ lŏn drŏn, ană mơnuih, hơdôm tơlơi gir run mơng mơnuih thâo hơdră, đang sang ƀơi tơring čar Daklak lăi ha jăn hăng khul mơnuih thâo hơdră phrâo amăng kual hăng đơ đam dêh čar lăi hrom gah bruă pơgang, ngă tui nua yôm phun rok kyâu hiam, kơtưn tơlơi thâo hluh nao rai, pơkĕ nao hrom, bơkơtuai bôh thâo phun rok kyâu hiam anăp nao ba gơnam anai jing sa bruă bơwih ƀong./.
Viết bình luận