Daknông: Pok pơhai Jơnum jar kơmar kơ amăng drŏng čư̆ apui kơđir tal 20
Thứ tư, 10:17, 23/11/2022
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Tom brơi lơ 22/11, tơring čar Daknông hmâo pơphun ngă Lơphet pok phun Jơnum Jar kơmar kơ amăng drŏng čư̆ apui kơdir tal 20 (ISV20) hăng Bơkơtuai bôh thâo phrâo “15 thun pơđĭ kyar Đang bơnga lŏn drŏn ƀơi Việt Nam” gah yŭ hơdră jơnum ƀơi anăp hăng lăng nao rai mơng ataih.
Pơphun truh lơ 26/11, hăng anăn ñu: “Pơgang hăng pơlar kơjăp hơdôm čư̆ apui kơdir hăng amăng drŏng čư̆ apui kơdir”, anai lĕ tal blung a sa Jơnum jar kơmar kơ amăng drŏng čư̆ apui kơdir dưi pơphun ƀơi Việt Nam.
Jơnum hmâo hơdôm mông bơkơtuai tui akô̆ bruă lăi nao: Lŏn drŏn, Amăng drŏng, Lom pơjing čư̆ apui kơdir; Mă yua amăng drŏng, Mơnong nuă amăng drŏng, Wai lăng hăng pơgang amăng drŏng; Lăi pơthâo glăi bruă pel ĕp amăng drŏng hăng mrô djă pioh. Yă Tôn Thị Ngọc Hạnh, Kơ-iăng Khua Jơnum min mơnuih ƀôn sang tơring čar Daknông, brơi thâo, bruă pơphun Jơnum ISV20 jing sa bruă jơnum pơtom hiăp yôm phăn, djru plơi pla lăi pơthâo, lăi pơhư̆č bôh tơhnal amăng drŏng cư̆ apui kơdir – gru grua đưm lŏn drŏn hmâo tơhnal tui jar kơmar./.
Viết bình luận