Kiăo tui anun, Hrơi hơdrôm hră hăng bôh thâo pơđok hră ƀơi tơring čar Dak Nông thun anai dưi pơphun hăng rơwang prong gưl tơring čar, kiăng anăp nao Hrơi Hơdrôm hră hăng bôh thâo pơđok hră Việt Nam 21/4, čơkă mơ-ak hơdor glăi 20 thun pơdŏng glăi tơring čar Dak Nông (01/01), hơdor glăi 49 thun Hrơi tlaih rơngai Gia Nghĩa – Dak Nông (23/3).
Ƀơi plơi prong Gia Nghĩa, mơ̆ng lơ 13-15/3, Hrơi jơnum ngui hơdrôm hră amra pơphun giăm truh pluh bruă mă, ƀuh rơđah lĕ hơdôm bruă pơdă prưng rơbêh kơ 15 mơta hơdrôm hră hăng hơdôm tơlơi čih bôh piă adôh suang; pơdă prưng lăi pơthâo hơdôm anăn mă yua amăng măi mok djru pơđĭ kyar bôh thâo pơđok hră, pơplih mrô djru bruă pơtô pơhrăm, pơplih mrô anih dưm hơdrôm hră; bơkơtuai mơnuih čih hơdrôm hră – hơdrôm hră; bơkơtuai grŭp, khul adôh suang hlăk ai hăng jơnum ngui khul suang rơnuk phrâo mơ̆ng hơdôm anih anom pơtô pơhrăm. Tui hăng ơi Hoàng Mạnh Thắng, Kơ-iăng Khua Gơnong bruă wai lăng tơlơi pơhing hăng pôr pơhing Dak Nông, hăng tơlơi gum hrŏm djru ba mơ̆ng 22 bôh anom, Hrơi jơnum ngui hơdrôm hră hăng bôh thâo pơđok hră thun anai amra sit nik jing hơdôm hrơi jơnum ngui ƀơi tơring čar./.
Viết bình luận