Bruă jơnum ngui pơphun mơ̆ng anai truh lơ 6/12, hăng lu bruă kah hăng: Jơnum pơƀuh, pơtrut pơsur tuai hyu ngui; pla bơnga ban; jơlan hơdră ngui ngor adoh suang hơmâo anăn Điện Biên - Tây Bắc - ƀôn prong Hồ Chí Minh pơtruh hăng đĭ kyar; rơbat ƀơi jơlan pơƀuh gru grua hiam hơmâo anăn “Điện Biên - Ia iŏm hiam tum pơƀut”. Amăng hrơi mông pơphun Jơnum ngui hơmâo hrơi pơdă prưng rup Mơ̆ng blah dưi Điện Biên Phủ thun 1954 truh kơ Blah dưi bơyan Bơnga thun 1975.

Hrơi pơphun jơnum ngui, mơnuih ƀôn sang ƀôn prong Hồ Chí Minh hăng ƀing tuai mơ̆ng jar kmar hơmâo ngui ngor mơ-ak hrŏm gru grua kual čư̆ siăng, hơmâo sem lăng gru ama grua amĭ mơ̆ng djuai ania Thái, Mông, Hà Nhì, Dao; hơmâo ƀuh tơlơi ngă yang Tằng Cẩu mơ̆ng djuai ania Thái - Sơn La hăng lu bruă pơdă prưng, pơƀuh gru grua, tuai čuă ngui, sĭ mơdrô, ngă hmua mơ̆ng tơring čar Điện Biên, Sơn La.