Djă pioh gru grua hiam gưl dêh čar ngă yang pih mơnuih tha djuai ania Mnông
Thứ hai, 11:54, 20/11/2023
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Mơguah lơ 19/11, gơnong bruă gru grua pơrơguăt drơi jăn hăng tuai čuă ngui Dak Lak jơnum bơkơtuai kơ tơlơi phiăn đưm gru grua pih mơnuih tha kiăng djă pioh gru grua đưm djuai ania Mnông.
Jơnum bơkơtuai anai hơmâo lu tơlơi pơgôp hiăp mơ̆ng ƀing mơnuih rơgơi, kơhnâo kơsem min pơblang rơđah hăng pơčrâo brơi hơdră či djă pioh laih anun pơlar tui rơnoh yôm pran jua gru grua anai ƀơi Dak Lak.
Hăng giăm 20 tơlơi čih hăng 10 mơta tơlơi pơgôp hiăp lăi pơthâo amăng mông jơnum, lu khua mua, mơnuih rơgơi kơhnâo lăi pơthâo tơlơi pơhing, hră čih pioh tong ten kiăng ngă rơđah boh yôm kơ bruă ngă yang pơpŭ anai, lăng kah hăng gru grua hiam đưm gưl dêh čar djă pioh tơlơi ngă yang pih ƀudah pơpŭ kơ mơnuih lu thun, tha rơma gah djuai ania Mnông ƀơi Dak Lak. Nguyễn Anh Tú, Kơ-iăng Khua jơnum min mơnuih ƀôn sang tơring glông Lak, lăi lĕ, anai jing atur yôm biă kiăng tơring glông hơmâo hơdră pơtrut brơi djă pioh, pơlar tui kơñ pơgi ni anăp.
Viết bình luận