Sit biă ñu amăng tơlơi pơtrun hơmâo tŭ yap akŏ bruă pơphun Festival sâm Ngọc Linh-Kon Tum, Việt Nam (Festival sâm Ngọc Linh), Jơnum min mơnuih ƀôn sang tơring čar Kon Tum ba tơbiă hơnong pơkă amra pơjing sa bơyan pơphlôm brơi bruă bơwih ƀong huă rah, hăng jing hrơi ngui ngor amăng kual lŏn hơmâo lu gru grua yôm phara.

Hluai tui Festival sâm Ngọc Linh, tơring čar Kon Tum čang rơmang pơtrut bruă wai pơgang lŏn mơnai glai čư̆, bơwih brơi tuai čuă ngui lăp djơ̆; pơhưč tuh pơ alin kiăng ba sâm Ngọc linh hăng phun akha kyâo pơkŏn jing gơnam hơmâo anăn apăn hmư̆ hing, laih dong pơjing rai lu gơnam bơwih brơi tuai čuă ngui hrŏm hăng sâm Ngọc Linh. Kiăng kơ prap lui Festival sâm Ngọc Linh pơphun blung a amăng thun 2024, Jơnum min mơnuih ƀôn sang tơring čar  Kon Tum hơmâo jao gơnong bruă gru grua, bơrơguăt drơi jăn hăng tuai čuă ngui git gai, gum hrŏm hăng hơdôm anom bruă, gong gai ƀon lan bơdjơ̆ nao pơgiong bruă pơjing kơčăo bruă tong ten kiăng pok pơhai ngă tui hlâo kơ lơ 20/10/2023.