Anai jing sa amăng tơlơi ngă yang hmư̆ hing mơ̆ng djuai ania ƀiă ƀơi tơring čar Gia Lai, hơmâo amăng Gơnam yôm gru grua atông čing kual Dap Kơdư. Tơlơi ngă yang hơduah ia hơjan jing tơlơi ngă yang đưm mơ̆ng djuai ania Bahnar hăng lu djuai ania pơkŏn ƀơi kual Dap Kơdư, juăt hơmâo pơphun hlâo kơ bơyan tơjŭ pla, kiăng hơmâo angin klă hơjan hiam, huăi hơmâo hlăt kman ƀong pơdai kơtor. Anai ăt jing hrơi blan kiăng neh met wa tum jơngum ngui ngor.

Tui hăng Jơnum min mơnuih ƀôn sang tơring glông Đăk Đoa, bruă pơphun glăi tơlơi ngă yang hơduah ia hơjan ƀơi plơi Hnap jing sa amăng Kơčăo bruă djă pioh hăng pơtrut tui anŏ yôm mơ̆ng gru grua hiam djŏp djuai ania laih anun hruă kjăp tui tơlơi gum pơgôp amăng plơi pla, pơtrut đĭ kyar bơwih ƀong huă - mơnuih mơnam ƀơi djŏp plơi pla.