Gia Lai: Pơphun iâu pơthưr abih bang hrăm luai, pơgang ƀlung ia
Thứ tư, 10:23, 07/06/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Mơguah lơ 6/6, ƀơi Sang pơplông bơkơjăp drơi jăn tơring čar Gia Lai, Gơnong bruă gru grua bơkơjăp drơi jăn hăng tuai čuă ngui hơmâo pơphun hrơi Olympic čơđai hăng iâu pơthưr abih bang mơnuih pơhrăm luai, pơgang tơlơi truh ƀlung ia ƀơi tơring čar hăng Pri Mơnuih luai rơgơi hloh tơring čar Gia Lai thun 2023.
Tui hăng gơnong bruă gru grua - bơkơjăp drơi jăn hăng tuai čuă ngui Gia Lai, ƀlung ia yơh ba truh tơlơi djai brŭ lu hloh ƀơi čơđai anet hăng ƀing hlăk ai ƀơi tơring čar. Mơng akŏ thun truh ră anai, tơring čar hơmâo 22 wơ̆t mơnuih ƀlung ia, ngă kơ 30 čô čơđai djai, ngă rơngôt kơtang biă mă hăng sang anŏ. Ƀơi mông jơnum, ƀing čơđai hơmâo pơtô brơi hơdră djru mơnuih ƀlung ia; djru mơnuih rơka rơkač; ngă hiư̆m pă lơ̆m ƀuh mơnuih glăk ƀlung ia; ngă hiư̆m pă lơ̆m ia kơđol amăng adung amăng bah. Ăt amăng jơlan hơdră anai mơn, Khul pơphun bruă hơmâo pơphun Pri Mơnuih luai rơgơi hloh tơring čar Gia Lai thun 2023, hăng 150 čô mơnuih pơplông ƀơi 5 hnưr thun mơng 7 truh 17 thun.
Viết bình luận