Ƀơi anai hơmâo 25 anih pơdă, lăi pơthâo brơi kơtuai čuă ngui hơdôm gru grua tơnă hơbai yôm phara mơng djop kual, hrŏm hăng hơdôm jơlan hơdră ngui adôh suang, pơčrang apui kơđen lăng hiam biă mă. Hơdôm gơnam ƀong jơman mơng kual Dap kơdư anun lĕ mơnong mơnŭ om, đing brong, trong phĭ, hla plum… hrŏm hăng hơdôm đĕ tuk tui dêh čar Thái…brơi kơ tuai čuă ngui dưi pel ĕp hơdôm anŏ yôm phara.

Hrŏm hăng anun hơdôm anih pơdă gơnam ƀong anai amra brơi tuai ƀong ƀơi anun mơtăm, rơwang hrơi tơjuh gru grua tơnă hơbai ăt hơmâo hơdôm anih pơdă gơnam yôm phara mơng mơnuih ƀon sang tơring čar Gia Lai hơmâo kơphê, tiu, macca, boh ñông, mơnong rơmô amu, hruh čim črang črah, hơmâo lu tuai čuă ngui đing nao.