Mơmŏt pơphun hơmâo jơlan hơdră adôh suang hăng 3 črăn: “Bơnga mơdưh”, “Jơlah ia rơsĭ iâu bơnga” hăng “Bơnga por hyu”. Mơmŏt ngui pĕ gông brô̆, adôh suang, apui pơčrong hlič hlač hăng tơlơi ngui pơƀuh glăi hrơi mông bơnga mơng kual Dap kơdư trun nao plơi prong ia rơsĭ Quy Nhơn, ba glăi anih pơmut nao rai kơplah wah glai rưng hăng ia rơsĭ.

Jơnum ngui pơphun truh kơnôl 30/11, pok bah amăng brơi mut soh sel mơng 7 mông mơguah truh 9 mông mơmŏt rĭm hrơi. Tuai čuă ngui dưi nao lăng lu phun kyâo, bơnga hiam mơng kual Dap kơdư hăng mơng hơdôm boh kual; ĕp lăng hơdôm bruă gru grua, tơlơi adôh suang, tơlơi ngui ngor, gơnam tơbă hơbai jơman. Mơmŏt hrơi anăm hăng hrơi tơjuh rĭm wŏt hrơi tơjuh hơmâo jơlan hơdră pơbưp ngui gru grua čing hơgor ƀơi kual Dap kơdư.