Gong phun jua pơhiăp dêh čar Việt Nam pơphun pơdă prưng hơdrôm hră
Thứ ba, 10:38, 16/04/2024
VOV/Siu Đoan Pơblang
VOV/Siu Đoan Pơblang
VOV4.Jarai-Mơguah lơ 15/4, ƀơi anom bruă Gong phun jua pơhiăp dêh čar Việt Nam mrô 58 Quán Sứ, Hà Nội pơphun pơdă prưng hơdrôm hră. Anai lĕ bruă mă yôm phăn anăp nao tal hơdor glăi 70 thun blah dưi Điện Biên Phủ hăng hrơi hơdrôm hră hăng gru grua đok hră Việt Nam tal 3.
Đĭ pơhiăp amăng hrơi pơdă hơdrôm hră, Khua phun Gong phun jua pơhiăp dêh čar Việt Nam ơi Đỗ Tiến Sỹ pơsit tong, anailĕ bruă mă sit nik anăp nao hơdôm hrơi pioh hơdor pơprong amăng lŏn ia. Hơdôm thun anai Gong phun jua pơhiăp dêh čar Việt Nam lêng pơphun lu bruă mă kiăng anăp nao hrơi gru grua đok hră samơ̆ ăt hơmâo lu tơlơi pơplih phrâo djơ̆ hăng tơlơi sit nik ră anai.
Ƀing čih hơdrôm hră hăng mơnuih đok hră ăt pơsit tong hơdrôm hră lĕ gơnam gru grua gah bơngăt yôm phăn, ba glăi tơlơi thâo thăi, ba ană mơnuih anăp nao tơlơi hiam klă, kiăng pơplih tơlơi hơdip rĭm čô mơnuih hăng pơgôp pơđĭ kyar hrŏm amăng mơnuih mơnam, pơtrut pơđĭ kyar hơđong kjăp.
Viết bình luận