Tlam lơ 27/7, grup đă boh lông đah kơmơi mơ̆ng nai Mai Đức Chung pô pơtô amra bưp grup đă boh lông đah kơmơi dêh čar Bồ Đào Nha, ăt sa grup phrâo djơ̆ anăn dưi mut pơplông tal anai kiăng biă mă dưi pơmut gôl ĕp puăng kơ grup pô. Gah Khul E mơ̆ng World cup đă boh lông đah kơmơi thun 2023 hlăk pơplông djơ̆ tui hrơi mông dăp mơ̆ng hlâo. Grup dŏ djă Cup đah kơmơi đă boh lông rŏng lŏn tơnah ră anai lĕ Mi hăng ƀing đah kơmơi hiam đă boh lông lĕ Hà Lan ăt hơmâo ƀong laih mơ̆n ƀiă puang amăng tal pơplông blung a.

Lơ̆m anun Bồ Đào Nha hăng Việt Nam ăt aka ƀu hơmâo puang pơpă ôh, amra bưp nao rai pơplông lơ̆m 7 mông 30 mơnit tlam mơmŏt tui mông dêh čar New Zealand, jing 2 mông 30 mơnit tui mông Việt Nam lơ 27/7. Dua grup anai amra pơplông abih pran jua, yua hơmâo mut pơplông tal blung a soh amăng World cup jing anih pơplông đă boh lông prong hloh ƀơi rŏng lŏn tơnah. Tui hăng mrô dăp anăn mơ̆ng FIFA, Bồ Đào Nha hlăk dong tal 21, bơ Việt Nam dong tal 31, yua kơ grup đă boh lông mơ̆ng kual Mi kô̆ arăng lăi kơtang hloh hăng grup pơ ala mơ̆ng kual Đông Nam Á.