VOV4.Jarai - Ngă lơphet pok phun SEA Games 31 amra pơphun ƀơi tơdrŏng đă bôh lông Mỹ Đình amăng mơmot lơ 12/5. Abih bang hră kiăng lăng mông ngă lơphet pok phun, pơđut mông jơnum, tal pơplông pơđut hăng pơplông mă miđai ia kông tơlơi pơplông đă bôh lông gah đah rơkơi SEA Games 31 amra gah pô wai lăng mơng Grŭp pơphun bruă pơplông. Kiăo tui anun, Grŭp pơphun bruă pơplông amra ƀu sĭ hră lăng mông ngă lơphet pok phun ôh, kơnong kơ pha hyu hră jak iâu 20.000 pok hră jak iâu tuai, mơnuih nao pơplông, khul bơkơjăp drơi jăn hơdôm bôh dêh čar nao pơ̆ tơdrŏn Mỹ Đình pơplông. Mông ngă lơphet pok phun amra sui 120 mơnit ƀơi tơdrŏng đă bôh lông Mỹ Đình. Tui hăng hơdră dăp, tơdơi kơ mông rơbat trui mơng 11 grŭp, pơkă hlâo Khua dêh čar ta ơi Phạm Minh Chính  amra lăi pơtŏng pok phun SEA Games 31. Grŭp pơphun bruă pơplông mă yua laih tơlơi pơkă pơplông, hơdrômn hră pơtô brơi, hrơi pơkă pơplông mơng hơdôm tơlơi pơplông; tŭ mă hră rơkâo mơng 7.878 čô mơnuih apăn bruă, mơnuih pơhrăm bruă pơplông, mơnuih pơplông 11 bôh dêh čar; jak iâu 1.299 čô mơnuih ngă gŏng jơlan, lăng tui, mơnuih mă bruă bôh thâo măi mok jar kơmar; 2.502 čô mơnuih mă tơlơi pơhing phrâo măng lŏn ia ta hăng dêh čar tač rơngiao; pơpha anih dô̆ 31 bôh sang jưh tuai ngă anih anom dô̆ glăi kơ hơdôm grŭp rai pơplông...

Siu H’ Prăk: Pơblang