Tơlơi lăi pơthâo amăng jơnum bơkơtuai, mơng thun 2018 truh ră anai, tơring čar Dak Lak hơmâo pơsir hĭ 49 bruă ngă soh amăng wai pơgang hlô amăng glai, amăng anun lu bruă ngă soh bơdjơ̆ nao bruă sĭ bla rơman hăng hơdôm gơnam mơng rơman.

Ƀing khua mua glăk dŏ pơčrông sai amăng mông jơnum

Amăng mrô anai, hơmâo 2 čô mơnuih ƀơi plơi prong Buôn Ma Thuột pơsir hĭ bruă ngă soh hăng phak prăk rơbêh 390 klăk prăk rĭm čô mơnuih, sa, dua čô mơnuih pơkŏn arăng mă krư̆ 18 blan. Kơnong amăng 6 blan akŏ thun anai, mrô prăk pơhrui mơng rơnoh prăk phak hơdôm tơlơi ngă soh yua kơ sĭ dŏp bla rơman ƀơi Dak Lak lĕ rơbêh 2 klai prăk.

Hơdôm anom bruă hrŏm hăng tơlơi ƀuăn gum tơngan hrŏm lăi pơthâo rup rap Dak Lak - Anih čuă ngui mơ-ak jê̆ giăm hăng rơman

Amăng mông jơnum bơkơtuai, hơdôm anom bruă bơwih  brơi tuai čuă ngui hơmâo pơlăi nao rai bruă hluh rơđah dong mơng tuai čuă ngui amăng bruă wai pơgang rơman, pơgăn bruă sĭ dŏp bla rơman. Bruă pơtô pơblang rup rap Dak Lak - Anih čuă ngui mơ-ak jê̆ giăm hăng rơman, kiăng thâo hluh rơđah dong mơng ƀing mă bruă gah anom bơwih brơi tuai čuă ngui mơng anun pơgôp pơtô pơblang tơl tuai čuă ngui.