VOV4.Jarai-Kiăng hơdor glăi tal 92 thun Hrơi akŏ pơjing Ping gah ( lơ 3/2/1930-lơ 3/2/2022), tlam mơmŏt lơ 26/1, ƀơi sang adoh suang prong, Hră pơhing điện tử Ping gah Cộng sản Việt Nam, iâu klah čun Ping gah Việt Nam, gah anom pơtô bruă ping gah dêh čar, pơphun Hơdră adoh suang yôm phara anăn “Djă hlôm tơlơi đăo kơnang”. Hơdră adoh suang  dưi dăp hơdră hiam mơak, pơjing dua črăn: “Djă hlôm tơlơi đăo kơnang” hăng “Lŏn ia bơnga čuh”, hăng 10 hơdră adoh suang yôm phara hăng hơdôm tơlơi adoh, suang tui hơbô̆ tơlơi kơhnâo adoh suang, boh pơhiăp pơtuh adoh suang rơnuk phrâo.

Hơdră anai kiăng hơdor glăi gru phun hing ang mơ̆ng Ping gah, hơdôm gru kơđŏm pioh bang bơngač, boh tơhnal prong yôm kơ lŏn ia bruă hơkrŭ Việt Nam, gah yŭ tơlơi git gai mơ̆ng Ping gah; lăi pơtong, jơlan rơgao 92 thun tơgŭ hơkrŭ, man pơdong hăng pơđĭ kyar; hơdor glăi hơdôm tơlơi hrăm, anŏ găn rơgao tơnap tap, gleh glar, tơlơi tuh rơyuh pran jua djai brŭ pơsăn drơi hrom hăng boh tơhnal tŭ mă hmư̆ hing mơ̆ng mơnuih ƀôn sang pô tŭ mă tui hăng tơlơi git gai mơ̆ng Ping gah laih anun Khua mir sir Hồ Chí Minh.

Mơ̆ng anun, jai thâo hluh dơlăm hăng pơ-ư pơ-ang kơ djuai ania Việt Nam, Ping gah Cộng sản Việt Nam guh kơ-ang blah ngă yua tơlơi rơngai lŏn ia, yua tơlơi hyuk hyak mơak klă kơ mơnuih ƀôn sang, ană plơi pla.

Nay Jek: Pơblang