Tơlơi ƀing ta kiăng lăi nao lĕ, hlâo adih plơi Đăk Đe hơmâo laih sang rung ngă anih jơnum plơi pla, samơ̆ hơmâo man pơkra tui rơnuk phrâo, lơ̆m anun Sang rung phrâo pơkra lĕ hơmâo pơkra djơ̆ tui gru đưm mơ̆ng djuai ania Sêdang Hà Lăng. Hơmâo pơkra rơbêh 2 blan, Sang rung plơi Đăk Đe glông giăm 13m,  yong, păng sang glông 9,4m, rơhaih 5m. Kiăng dưi pơdong glăi sang Rung lĕ, ană plơi hơmâo djru giăm 100 klăk prăk mơ̆ng Kơčăo bruă mrô 6, Jơlan hơdră dêh čar pơtrun pơđĭ kyar bơwih ƀong huă kual mơnuih ƀôn sang djuai ƀiă hăng čư̆ siăng yua Sang gru grua - Sang pơđok hră tơring čar Kon Tum pơphun ngă. Rơngiao kơ anun dong, rim boh sang anŏ plơi Đăk Đe pơčruh mă mơ̆ng 200 rơbâo prăk truh kơ lu hloh hăng hơmâo tơlơi djru ba mơ̆ng gong gai, khul grup, anom bruă ƀơi tơring. Prăk pioh pơkra sang Rung anai rơbêh 150 klăk prăk, wơ̆t hăng hơdôm rơtuh čô mơnuih mă bruă.

Yap truh blan 8 thun 2023, ƀơi tơring čar hơmâo 437 amăng mrô 503 boh plơi pla djuai ania ƀiă hơmâo sang rung. Amăng anun hơmâo 213 boh sang rung gru đưm, 224 boh sang rung hơmâo pơkra gru đưm wơ̆t hăng tui rơnuk phrâo. Hơdôm thun giăm anai, bruă pơkra glăi sang rung đưm mơ̆ng djŏp djuai ania či tơring čar Kon Tum bưp lu tơlơi tơnap yua kơƀah gơnam pơkra wơ̆t hăng tơlơi thâo pơkra sang rung đưm hai dŏ ƀiă đôč mơnuih thâo, jai hrơi rơngiă tui laih.