Hăng anăn “80 thun dŏ na nao tơlơi hing ang”, Hrơi ngui adôh suang mơnuih ƀôn sang, ling tơhan hăng hlăk ai, čơđai sang hră tal X thun 2024 kual II, tum pơƀut glăi 22 grup adôh suang, hăng giăm 2.000 čô mơnuih mơng hơdôm anih anom, ƀon lan amăng kual Tong krah-Dap kơdư.
Hrŏm hăng tơlơi yôm pioh hơdor glăi 70 thun blah dưi Điện Biên Phủ, 80 thun hrơi akŏ pơjing ling tơhan dêh čar Việt Nam, 35 thun hrơi abih bang mơnuih wai pơgang lŏn ia, 49 thun hrơi pơklaih rơngai lŏn ia, Hrơi ngui adôh suang kiăng lăng glăi bruă git gai, wai lăng, pơphun ngă tui bruă ngui adôh suang ƀơi anih anom, ƀon lan; ngă gêh gal, jing hrơi mông kiăng hơdôm anom bruă amăng khul ling tơhan hăng gah rơngiao dưi pơbưp nao rai, pơhrăm nao rai hăng ba tơbiă jơlan gah pơtrut kơtang, hrưn đĭ klă dong bruă ngă tui gru grua adôh suang amăng mơnuih mơnam.
Viết bình luận