Giăm 800 čô mơnuih mut hrŏm hrơi ngui anai, tơlơi pơdah anŏ yôm, pơpŭ gru grua hăng kơđŏm glăi lu anŏ hiam brơi abih bang mơnuih hăng tuai čuă ngui. Hơdôm tơlơi ngui adôh suang lêng kơ hiam mơ-ak soh, anun lĕ hơdôm mông pơphun glăi tơlơi ngă yang anun lĕ ngă yang pơthi, huă asơi hle, ngă yang pin ia, ngă yang đĭ dŏ sang drông.

Amăng hrơi ngui gru grua djop djuai ania tơring čar Gia Lai thun anai, hrŏm hăng gru grua yôm phara mơng djuai ania Bahnar hăng Jarai, ăt hơmâo wŏt djuai ania Tày mơng kual Kơdư amăng man pơdong plơi pla phrâo. Ƀing tuai čuă ngui hăng ƀing rơgơi kơhnâo dưi mut hrŏm amăng mông pĕ gông tính hăng ayun suang, ngă jê̆ giăm tui pran khăp amăng abih bang mơnuih.