Hăng anăn pơphun “Pơjing bruă pơkra phim Việt Nam tui gru grua djuai ania, pơplih phrâo hăng klă hloh”, Hrơi ngui pơdah phim Việt Nam tal 23 hơmâo mrô phim ba nao pơdah lu hloh dong mơng hlâo anun. Amăng anun, hơmâo 91 phim hơmâo ruah amăng jơlan hơdră pơplông, hăng 56 phim hơmâo ruah mơng jơlan hơdră phim pơdah djop mơta.

Đĭ pơhiăp pok mông pơphun, Kơ-iăng Khua ding jum gru grua, bơrơguăt drơi jăn hăng tuai čuă ngui Tạ Quang Đông, Khua khul git gai hrơi ngui pơdah phim Việt Nam tal 23 pơsit tong, hrơi ngui pơdah phim tal anai lĕ hrơi mông kiăng gơnong bruă pơkra phim Việt Nam lăi pơthâo tơl abih bang hơdôm phim pơdah djop tơlơi, lăi nao tơlơi hơdip mơda mơng ƀing pơkra phim, anăp nao bruă pơkra phim Việt Nam tui gru grua djuai ania, pơplih phrâo hăng klă hloh.