Amăng mông pơbưp nao rai tơhan hlăk ai Anom bruă git gai tơhan wai pơgang guai Việt Nam hăng tơhan kông ang Lao, ƀơi Sang gru grua giang mah Việt Nam-Lao-Kur ƀơi plơi Tà Ka, să giăm guai Pờ Y, tơring glông Ngọc Hồi, tơring čar Kon Tum pơphun lu bruă mă yôm phăn, sit nik ngă kjăp tui pran gum pơgôp kơplah wah ling tơhan hlăk ai dua bơnah.
Ƀơi anai ƀing tơhan hlăk ai Việt Nam-Lao pơphun jơnum pơtô pơblang, lăi pơthâo tơlơi phiăn brơi mơnuih ƀôn sang kual giăm guai dua bơnah. Tơhan hlăk ai Việt Nam-Lao ăt jao prăk djru hrăm hră “Čung ba čơđai nao sang hră” brơi 40 čô čơđai, amăng anun hơmâo 20 čô čơđai dêh čar Việt Nam hăng 20 čô čơđai dêh čar Lao tơnap tap hloh; hrŏm hăng bruă pla phun kyâo jum dar sang gru grua kiăng djă pioh hrơi mông pơbưp nao rai hăng ngă hiam jum dar.
Viết bình luận