Amăng tơlơi jơnum ngui kơphê tal 8 thun 2023, mơguah lơ 10/3, ƀơi Anom bruă gru grua boh thâo tơring čar Dak Lăk hơmâo pơphun Jơnum pơdă rup bruă kơphê. Ƀơi anai, Kông ti pơčruh ngăn Grup bơwih ƀong Mỹ Việt sit nik jing pô hơmâo “Hruh kơphê kuor lik amăng ia prong hloh Việt Nam”. Nai prin ta Lê Doãn Hợp, Khua ding jum hơđăp Ding jum pôr pơhing, Khua khul akŏ pơdong Anom bruă jŭ yap tơlơi dưi hloh Việt Nam hơmâo brơi miđai mơng Anom bruă jŭ yap tơlơi dưi hloh Việt Nam kơ Kông ti pơčruh ngăn Grup bơwih ƀong Mỹ Việt.

Ƀrô tal anai, pơdah pran jua pơpŭ bơni kơ ling tơhan hrơi mlăm dŏ gak Lŏn ia, Kông ti pơčruh ngăn grup bơwih ƀong Mỹ Việt mơit “Hruh kơphê kuor lik prong hloh Việt Nam” anai kơ ƀing khua, ling tơhan pơgang guai Tam Hợp, tơring glông Tương Dương, tơring čar Nghệ An.