VOV4.Jarai - Mơmot tom brơi lơ 26/8, ƀơi Anom bruă gru grua tơring čar Dak Lăk, Khul čih hră - gru grua boh thâo Dak Lăk ngă hrŏm hăng Gơnong bruă Gru grua - Bơkơjăp drơi jăn hăng Tuai čuă ngui pơphun jơlan hơdră Pơƀuh anăn mơnuih čih hră, hơdrôm hră, hơ-ơč hrơi tơlơi adoh Việt Nam thun 2022.

Ƀơi anai, ƀing tuai hơmâo lăng tơlơi adoh suang hmư̆ mơ-ak hăng lu tơlơi adoh čih kơ plơi pla, gru grua đưm hlâo yua sit ƀing pơčeh tơlơi adoh mơng Dak Lăk čih kah hăng: Lời Khan, Cô gái Êđê Bih váy ngắn, , Đôi mắt Ban Mê, Rock cà phê, Mai tôi về Ban Mê, Buôn Ma Thuột- Em. Ƀơi anih adoh suang djă gru grua kual Dap Kơdư ƀing ta, tơlơi adoh mơ-ak biă mă, pơdah pran jua hor kơ tơlơi adoh prong biă mă mơng ƀing pơčeh tơlơi adoh, laih dong hơmâo tơlơi bơră ruai mơng ƀing pơčeh tơlơi adoh jing ngă kơ ƀing nao pơhmư̆ pơhưč pran biă mă.

Siu H’ Mai: Pơblang