Jơnum bơkơtuai anai pơtum sem lăng, pơtong glăi, pơblang tong ten tui 3 khul bruă yôm: jơlan hơdră, tơlơi phiăn pơkă kơ bruă mă, mơnuih mă bruă, pran kơtang prăk kăk kiăng djop kơ bruă pơđĭ kyar gru grua. Hrom hăng anun, khua mua ăt bơkơtuai bruă mă gru grua kiăng ƀuh rơđah anŏ yôm mơ̆ng gru grua hiam, pơđĭ kyar gru grua lĕ pơđĭ kyar hơđong kjăp lŏn ia.
Khua jơnum min Gru grua, Pơtô pơjuăt mơ̆ng anom bruă pơ ala mơnuih ƀôn sang dêh čar, ơi Nguyễn Đắc Vinh, Khua khul pơphun jơnum bơkơtuai anai lăi: Mơnuih mă bruă anŏ yua mă bruă pơ anai lĕ, kiăng mơnuih mă bruă thâo hruaih gah bruă gru grua. Dua lĕ prăk kăk mă yua či mă bruă. Prăk mă bruă dưi pơhrui mơ̆ng lu anom bruă. Blung hlâo ta khom lăi nao kơ rơnoh prăk kơnuk kơna hăng prăk kăk mơ̆ng mơnuih ƀôn sang, mơ̆ng sang bruă sĭ mơdrô hăng djru mơ̆ng plơi pla, mơnuih ƀôn sang, kiăng pơtrut bruă mă klă hloh pơđĭ kyar gru grua.
Viết bình luận