Hăng akŏ ñu : “Hơdrôm hră: Tơlơi thâo hluh-Pơblih phrâo-Pơčeh ia rơgơi”, hrơi hơdrôm hră hăng gru grua hiam pơđok hră thun 2023 amăng tơring čar Dak Lak pơphun mơ̆ng lơ 15/4 truh abih lơ 1/5 hăng lu bruă mă mơak kah hăng: prưng pơdă hơdrôm hră tui anŏ pia; jơnum bơkơtuai, lăi pơthâo hơdrôm hră; pơčruh hơdrôm hră hăng gơnam yua hrăm hră brơi kơ čơđai sang hră ƀun rin; ƀơk hơdrôm hră hăng hip dưm hră kơ djop sang hră, anih pơđok hră ƀơi kual ataih; pơphun hrơi jơnum ngui mơak pơđok hră, prưng pơdă hơdrôm hră ƀơi lu plơi pla....

Mơ̆ng anun lăi pơthâo kual lŏn, ană mơnuih tơring čar Dak Lak; pôr pơthâo tơlơi gêh găl, anŏ kơtang hăng gru gru hiam phun kual Dap Kơdư, pơpŭ đĭ bruă ngă pơđok hră. Hrom hăng anun, dŏ hơmâo lu bruă mă pơdah thâo rup, hơdrôm hră, rup kač, rup čơphil, gơnam hiam STEM, čơđai muai kač rup; pơplông ngă hla krê, anŏ rĭ; anih ngui găn rơgao tơlơi thâo thăi bruă pơkra ming gơnam pơhrôp rup hiam.