Hăng anăn ñu “Er adôh plơi pla”, Jơnum ngui ngă pơhưč 15 anom bruă mơ̆ng hơdôm bôh tơring čar Dak Lak, Dak Nông hăng Lâm Đồng gum hrŏm. Rim anom pơdah mơ̆ng 3 truh 5 mơta tơlơi adôh, amăng anun hmâo pĕ gông, adôh suang mơ̆ng djop djuai ania gah kual Kơdư dêh čar.

Giăm hmâo 70 mơta tơlơi adôh suang pĕ gông hmâo prăp lui klă, hmâo bôh yôm bơni kơ Ping gah ư-ang, Wa Hồ kơdrưh; phiăn juăt ngă hơkrŭ, tơlơi kiăng khăp plơi pla lŏn ia, ană mơnuih; lăi nao tơlơi đăo gơnang mơ̆ng Mơnuih ƀôn sang kơ tơlơi git gai mơ̆ng Ping gah, lăng yôm pran jua gum hrŏm hơbit, gum hrŏm pơdŏng plơi pla... Hrŏm hăng hơdôm tơlơi adoh hmâo pơčeh lui hlâo lĕ hơdôm grŭp dô̆ pơdah tơlơi pơčeh phrâo amăng hơdră dưm bôh pia lăp djơ̆ hăng hmâo tơhnal phrâo./.