Hăng bruă kiăng pơpŭ anŏ yôm gru grua boh thâo hiam mơ̆ng đưm hlâo mơ̆ng djŏp djuai ania kual Dap Kơdư, pơhưč, pơtrut tuai hyu ngui, hrơi ngui ngor Gru grua bơkơjăp drơi jăn hăng tuai čuă ngui djŏp djuai ania kual Dap Kơdư tal 1 thun 2023 hơmâo pơphun amăng 3 hrơi, mơ̆ng lơ 29/11 truh lơ 1/12 ƀơi plơi prong Kon Tum, tơring čar Kon Tum, hơmâo năng ai 1.000 čô kơhnâo, mơnuih ngă sen, mơnuih kơjăp drơi jăn djŏp djuai ania glăk hơdip ƀơi 5 boh tơring čar kual Dap Kơdư.
Hăng anăn “Đại ngàn Tây Nguyên - Tinh hoa Hội tụ”, Hrơi ngui ngor gru grua, bơkơjăp drơi jăn hăng tuai čuă ngui djŏp djuai ania kual Dap Kơdư tal 1 thun 2023 hơmâo lu bruă ngă mơ-ak klă. Hrŏm hăng mông jơnum, bruă ngui ngor hơmâo ngui ngor gru grua, bơkơjăp drơi jăn hăng čuă ngui.
Viết bình luận