Hơmâo rơbêh 250 čô mơnuih lĕ hlăk ai hăng mơnuih kơhnăk thun hlăk ai ƀơi hơdôm boh plơi pla ƀơi Buôn Ma Thuột nao pơplông. Hrơi jơnum ngui pơhưč hơmâo 14 grup, 60 tơlơi pơplông phara kah hăng: pĕ atông hơjăn, pĕ goong atông brô̆ hrŏm, adoh tơlơi adoh đưm, suang. Hơdôm grup nao pơplông hơmâo pơƀuh tơlơi atông, adoh suang mơ-ak, pơƀuh gru grua hiam mơ̆ng djuai ania Êđê hăng Mường. Hơdôm tơlơi atông čing, goong brô̆ pơkra mơ̆ng kram pơ-ô hơmâo ƀing hlăk ai mă yua atông rơguăt, jing ba glăi kơ mông jơnum pơplông anai tơlơi dik dak mơ-ak mơ-ai.

Pơđut mông pơplông, anom pơphun bruă hơmâo brơi 18 pri A, B, C hăng pri pơtrut pran jua kơ hơdôm tơlơi pơplông mơ-ak hloh. Jao pri yôm hloh kơ grup mơ̆ng ƀuôn Kmrơng Prong A, să Ea Tu, plơi prong Buôn Ma Thuột.