Anai lĕ bruă mă tơđar mơ̆ng Ding jum wai lăng sĭ mơdrô kiăng ngă tui tơlơi jak iâu “Mơnuih Việt Nam gleng nao hlâo blơi gơnam sĭ mơdrô Việt Nam pô” yua kơ Ding jum kơđi čar pơtrun. Hăng boh pia anăn, Akŏ pơjing khul ngă bruă sĭ mơdrô pơkra ming, gơnam sĭ mơdrô Việt Nam pô, jơnum ngui tal anai “Pơ-ư ang gơnam Việt Nam-Anŏ hiam klă hloh gơnam Việt Nam” thun anai hơmâo lu anŏ phrâo, pơphun lu bruă mă, lir hơbit anom bruă sĭ mơdrô, anom ngă ƀong hrom, mơnuih ngă hmua pơjing rai anih anom pio kơ khul ngă bruă sĭ mơdrô, pơkra ming, gơnam sĭ mơdrô Việt Nam ngă pô.

Čơgăn dưm gơnam sĭ mơdrô lăi pơthâo gơnam Việt Nam hiam klă thun 2022

Jơnum ngui tal anai hơmâo giăm sa rơtuh boh sang bruă mơ̆ng lu grup sĭ mơdrô pơprong, anom bruă pơkra ming, pơpha gơnam sĭ mơdrô, grup ngă ƀong hrom, sang anŏ ngă bruă pơkra ming gơnam sĭ mơdrô ba pơdah djop mơta ra anăn gơnam sĭ mơdrô. 13 thun rơgao, Ding jum wai lăng bruă sĭ mơdrô pơtrut pơsur mơnuih ƀôn sang amăng dêh čar gleng nao hlâo blơi yua gơnam Việt Nam pô pơkra ming, djru kơ sang bruă sĭ mơdrô tuh pơ alin, pơkra ming, ba sĭ mơdrô gơnam tŭ yua, hiam klă. Yua kơ anun, mrô gơnam Việt Nam pơkra ming hơmâo ba hyu sĭ mơdrô amăng dêh čar phrâo hloh mơ̆ng 80-90% hăng rơbêh 60% ba dưm amăng sang sĭ mơdrô gru grua.