Hăng tơlơi pơsit “Pơjing gơnong bruă pơkra phim Việt Nam pơdah gru grua djuai ania, pơplih phrâo hăng hiam klă”, Jơnum ngui pơdah phim Việt Nam tal 23 tŏ tui pơsit tong lĕ hrơi jơnum ngui tui boh thâo ia rơgơi dêh čar pơđŏm glăi tơlơi thâo thăi, pơhưč lu mơnuih amăng gơnong bruă pơkra phim, ƀing ngă sen, lu phim pơkra klă hloh, pơgôp pơjing gơnong bruă gru grua Việt Nam pơplih phrâo, pơdah gru grua djuai ania.

Mơng 177 phim ba nao pơplông, Khul pơphun hơmâo ruah mă 146 phim ba nao pơplông hăng phim amăng jơlan hơdră djop mơta, hăng boh tơhnal hăng boh thâo pơkra pơjing tui tơlơi pơčeh phara. Amăng anun, lu phim pơkra yôm phara, lu tơlơi pơčeh amăng boh pơhiăp amăng ngă sen. Ƀing mơnuih pơkra phim, ƀing čih, črâo ba, ƀing ngă sen, ƀing dar mă rup, truh pơ tơlơi adôh, jua poh hăng bruă pơkra phim jai hrơi klă tui.