Jơnum ngui pơplông bơkơjăp drơi jăn djop djuai ania ƀiă đơ đam dêh čar: Dik dak, gum hrŏm hơbit hăng hmâo lu gru grua
Thứ năm, 10:47, 22/06/2023
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Ƀơi tơring čar Gia Lai glăk pơphun Jơnum ngui bơkơjăp drơi jăn djop djuai ania ƀiă đơ đam dêh čar tal 13, kual II thun 2023, ngă pơhư̆č giăm truh 500 čô mơnuih pơplông rai mơ̆ng 13 bôh tơring čar gah Dơnung dêh čar pơplông 7 mơta tơlơi bơkơjăp drơi jăn ră anai hăng tui tơlơi bơkơjăp drơi jăn đưm.
Anai lĕ tal pioh neh wa djuai ania ƀiă adơi ayong bơkơtuai, hrăm tui hăng gum hrŏm, djru mă yua hăng pơlar tơlơi bơkơjăp drơi jăn djuai ania, hơdôm tơlơi ngui đưm tui jơlan gah pơsit pơdŏng pơjing gru grua bôh thâo Việt Nam pơplih phrâo, djă jă gru grua djuai ania.
Tơdơi kơ 3 hrơi pơplông dik dak, hmâo lu tơlơi pơsôh amăng hơdôm tơlơi pơplông đuăi, pơnah hrăo - ƀang kơ su, tŭn gai, đĭ gai sưng; ră anai Grŭp tơring čar Dak Lak glăk ba jơlan hlâo hăng 277 puang, kiăo tui anun lĕ Grŭp Gia Lai hăng dŏng tal 3 lĕ Grŭp Kon Tum. Hơdôm tơlơi pơplông dô̆ glăi amra pơplông dong. Jơnum ngui pơplông bơkơjăp drơi jăn djop djuai ania ƀiă đơ đam dêh čar ƀơi Gia Lai amra pơphun pơđut, ƀơk pri măng lơ 23/6/2023./.
Viết bình luận