VOV4.Jarai - Mơguah lơ 21/4, ƀơi Sang gru grua rơnuk blah ngă Hồ Chí Minh, Anom bruă kơđi čar Khul tơhan 7 pơphun pơdă prưng “pran kơtang tơhan mơnuih ƀon sang amăng rơnuk blah ngă Hồ Chí Minh hăng pơgang klin, djru hơdip ană plơi pla”. Bruă pơdă prưng anai hơmâo pơƀuh 300 pok rup, hră pơ-ar, gơnam hơmâo hơdôm puih kơđong tơhan ta mă yua amăng hrơi Blah hăng tơgŭ hơkrŭ prong bơyan Bơnga thun 1975 hăng rơbêh 500 hơdrôm hră.

Nao lăng anih pơdă prưng

Anih pơdă prưng hơmâo pơdă tui 2 mơta tơlơi: Pran kơtang tơhan mơnuih ƀon sang amăng Hrơi blah hăng tơgŭ hơkrŭ prong Bơyan bơnga 1975; tơhan mơnuih ƀon sang ta ha pran jua gir pơgang dưi klin Covid-19. Pơhiăp ƀơi mông pơdă prưng, Đại tá Thái Thành Đức, Kơ-iăng khua Anom bruă Kơđi čar Khul tơhan 7 pơsit: gum pơgôp tơhan mơnuih ƀon sang jing phun anŏ kơtang đah mơng dưi blah dưi Bơyan Bơnga 1975. Amăng tal 4 hơmâo klin Covid-19, tơhan hăng mơnuih ƀon sang Khul tơhan 7 hơmâo rơbêh 200 hrơi grun pơgang klin. Lăng yôm pran jua “Pơgang klin kah hăng blah ayăt”, giăm 10.000 čô tơhan apăn bruă mơng Khul tơhan 7 hăng rơbêh 70.000 čô tơhan amăng plơi pla gum nao pơgang klin.

Siu H’Mai: Pơblang