VOV4.Jarai-Tlam lơ 20/4, ƀơi plơi prong Plei Ku, hrơi mơak gru grua thâo thăi djop djuai ania aset tơring čar Gia Lai tal sa thun 2022 jơnum pơđut laih. Tơdơi kơ 2 hrơi pơphun lu tal jơnum, tơlơi ngui ngor gru grua, giăm 800 čô mơnuih kơhnâo kơhnăk gru đưm mơ̆ng 16 boh tơring glông, plơi prong hơmâo nao pơdah pơ plơi prong phun Plei Ku hăng tơlơi ngui ngor mơak biă mă, djă jă gru grua đưm hiam klă.

Ƀơk pri apah bơni, jao hla kơ hơdor pioh kơ djop grup adoh suang pơđut jơnum

Djop grup nao pơdah tơlơi adoh đưm, suang arap, pơdah tơlơi ngui ngor amăng plơi pla, atông čing ring hơgor, pĕ gông atông brô̆, krih djrao mơñam bung bai, pih kpaih ngaih mrai mơñam mrai đưm…abih bang bruă mă, pơhrôp glăi pơdong sang rung, ngă pơsat, rup pơsat hơmâo soh, trah kyâo, krih ale djrao kiăng pơdah tơlơi thâo ia rơgơi….Khul khua mua apah bơni hră bơni hăng hla kơ hơdor pioh kơ hơdôm grup pơplông rơgơi hloh amăng mông jơnum.

Grup mơ̆ng Čư̆ Pah mă pri mrô sa adoh đưm Jrai; grup adoh suang Plei Ku mă pri mrô dua gah suang arap, atông čing; grup tơring glông Đak Đoa mă pri mrô sa pơdah bruă pĕ gông  atông brô̆ đưm djuai ania.

Nay Jek: Pơblang