Amăng 3 hrơi mơ̆ng lơ 8/9 truh lơ 10/9, rơbêh 800 čô mơnuih kơhnăk adoh suang, ƀing kjăp drơi jăn, mơnuih ƀôn sang mơ̆ng 11 grup djop tơring čar, ƀôn prong kual tong krah nao pơdah gru grua hăng pơplông pơrơguăt drơi jăn. Pok jơnum ngă lơphet pơdah tơlơi adoh suang, gru eng ao djop djuai ania lăng hiam rô̆ biă mă. Djop bruă mă kah hăng: Pơdah gru eng ao đưm; pơplông adoh suang mơ̆ng mơnuih ƀôn sang; lăi pơthâo, pôr pơhing gơnam sĭ mơdrô hmư̆ hing mơ̆ng djuai ƀiă....pơhưč lu mơnuih ƀôn sang nao lăng hok mơak hăng bơni biă mă ƀơi tơring čar Bình Định.

Kơ bruă mă pơplông pơrơguăt drơi jăn, hơmâo pơplông 4 mơta tơlơi kơtang hăng lu mơta tơlơi ngui ngor kjăp drơi jăn đưm amăng plơi pla. Anai lĕ bruă mă hơmâo lu mơnuih ƀôn sang djop djuai ania amăng kual Tong krah ter hang ia rơsĭ gum hrŏm, kiăng pơtrut pran jua pơtŏp hrăm tơlơi kơtang, kjăp drơi jăn hăng pơplông nao rai, hrăm tơdruă djă pioh gru grua đưm djuai ania amăng djop tơring čar.