Hăng akŏ tơlơi jơnum “Rơnuk rơnua mơak kơ ană mơnuih mơnam”, mlam pok jơnum anăn DIFF 2023 ba nao kơ hơdră hơmâo tơlơi adoh suang ngui ngor mơak biă mă hăng dua wơ̆t pơdah pơnah đĭ mlăi apui bơnga hiam mơ̆ng 2 grup Việt Nam hăng Phần Lan, pơƀuh brơi sa gru tơlơi hơdip hiam mơak giăng mah, gum pơgôp hăng rơnuk rơnua. Mlam pơdah pok jơnum dŏ hơmâo hơdră tơlơi adoh suang mơak djru kơ mơnuih ĕp lăng thâo rơđah gru grua hiam lu anih amăng rŏng lŏn tơnah, yua mơ̆ng tơlơi adoh suang pơthâo brơi.

Pơhiăp amăng mông pok jơnum, ơi Lê Trung Chinh, Khua Jơnum min mơnuih ƀôn sang ƀôn prong Đà Nẵng lăi pơtong: Jơnum pơnah mlăi apui bơnga jar kmar anai sa tơlơi mơak prong kơ Đà Nẵng, laih dơ̆ng ăt jing sa tơlơi lông lăng prong mơ̆n kiăng găn rơgao hĭ tơlơi tơnap tap laih anun hrưn đĭ pơđĭ tui boh tŭ yua kơ bruă jơnum ngui ngor pơdah mlăi apui bơnga jar kmar Đà Nẵng kơñ pơgi ni anăp, lăp hăng anŏ kiăng mơ̆ng mơnuih ƀôn sang. Tơdơi kơ pok jơnum lĕ Việt Nam pơdah đĭ mlăi apui bơnga pơkra mă pô.