Festival pơphun mơ̆ng kơnôl 17 truh abih kơnôl 19/7 ƀơi phường Nha Trang hăng lu anih amăng tơring čar, hơmâo 40 mơta bruă mă gru grua, adoh suang, pơrơguăt drơi jăn hăng tuai čuă ngui; lu jơlan hơdră amra ngă sui hrơi mơ̆ng kơnôl 10 blan 7 truh abih kơnôl 10/8.

Anai lĕ tal blung a tơdơi kơ 11 wơ̆t pơphun ngui ngor, tơlơi jơnum ngui Festival ia rơsĭ Nha Trang-Khánh Hòa jing Festival ia rơsĭ Khánh Hòa hăng amra pơphun na nao rim wơ̆t pơhrua kơ dua thun sa wơ̆t hlâo adih. Tơlơi lăp đing nao tal Festival anai lĕ hơmâo 3 jơlan hơdră pơphun na nao amăng 3 hrơi. Jơnum prong pok tơlơi ngui ngor amăng tlam mơmŏt kơnôl 17/7 dưi pơphun prong biă mă, ba yua  boh thâo ia rơgơi phrâo, pơdah apui hiam 3 D Mapping hrŏm hăng pơnah mlăi apui bơnga. Tlam mơmŏt kơnôl 18/7 pơphun ngui ngor Carnival hăng rŭi rơdêh bơnga tuai čuă ngui ƀơi jơlan Trần Phú. Jơlan hơdră pơđut jơnum tlam mơmŏt kơnôl 19/7 hơdai gum hrŏm jơlan hơdră tơlơi adoh suang jar kmar anăn “Pơtruh nao rai rơma kual lŏn”. Festival thun anai hơmâo tơlơi gum hrŏm mơ̆ng lu ƀing thâo adoh suang hmư̆ hing amăng dêh čar hăng jar kmar.