Lăi nao kơ bruă pơkra pơjing tui gru grua lĕ lăi nao hơdôm gơnong bruă pơčeh rai hơdôm tơlơi mơng adôh suang, pơkra phim, anai jing anŏ pơkra rai dưi pơƀuh hăng gah bơngăt; hluai tui bruă tŭ mă hơdôm rơnoh mơng gru grua hrŏm hăng hơdôm anŏ pơčeh rai hăng hơdôm tơlơi bơwih bơwang tui boh thâo, yôm phăn amăng mơnuih mơnam hăng gru grua kiăng ba glăi prăk pơhrui.

Kiăng kơ bruă pơkra pơjing tui gru grua dêh čar tañ pơđĭ kyar, hơđong kjăp, tŭ mă klă hơdôm tơlơi dưi, tơlơi gal, kiăng pơplih kơtang mơng tơlơi pơmĭn truh pơ bruă mă, pơpplih pơčeh phrâo amăng bruă mă, pơjing gơnong bruă pơkra pơjing tui gru grua Việt Nam “Pơčeh phrâo-gru grua-yôm phara-klă hloh-bơkơtưn kơtang hloh”. Khua dêh čar rơkâo, ƀing khua mua pơlăi nao rai tơpă, gơgrong hloh, lăng glăi tong ten hơdôm boh than dưi ngă, hơdôm anŏ aka ƀu klă amăng pơđĭ kyar gơnong bruă pơkra pơjing tui gru grua amăng thun blan laih rơgao, tơlơi ba truh, tơlơi găn rơgao.