Jơlan hơdră yua kơ Hră pơhing Đại biểu Nhân dân git gai, gum hrŏm pơphun ƀrô djơ̆ tal hơdor glăi 78 thun bruă Hơkrŭ blan čơpăn hăng Hrơi pơdŏng lŏn ia lơ 2/9, anăp nao hơdor glăi 35 thun hrơi pơdŏng Hră pơhing phrâo Đại biểu Nhân dân (5/10).

Pơhiăp amăng mông pok phun Jơlan hơdră, Khua Ƀirô hră pơhing phrâo Đại biểu Nhân dân, Phạm Thị Thanh Huyền lăi rơđah, truh kih mơ̆ng bruă ngă hơkrŭ blan čơpăn thun 1945 hăng pơphun pơdŏng lŏn ia Việt Nam djop mơnuih dưm kơnar lĕ sa yak pok phun prong prin, sa gru pơđom pioh bơngač rơđah amăng gru grua hur har mơ̆ng djuai ania, ngă brơi lŏn ia ta yak mut sa rơnuk phrâo – rơnuk rơngai djuai ania nao hrŏm hăng djop mơnuih dưm kơnar; čung ba mơnuih ƀôn sang mơ̆ng drơi pô ngă hlun mơnă yak đĭ ƀơi anih dlông hloh bruă kơđi čar ngă pô lŏn ia. Jơlan hơdră adôh suang “Nắng Ba Đình” djru pơdah glăi hơdôm thun blan ƀu wor bit; bơni plơi pla lŏn ia, bơni Ping gah, Wa Hồ, pơpŭ hơdôm truh kih prong prin mơ̆ng mơnuih ƀôn sang, yua kơ Việt Nam prong kơtang./.