VOV4.Jarai-Khua mir sir ơi Nguyễn Xuân Phúc kĭ hră pơtrun kơ bruă apah bơni Miđai mă bruă kơ ƀing rơjang drơi jăn hơmâo pơplông mă pri yôm amăng tal SEA Games 31 phrâo anai. Tui hăng anun, Khua mir sir pơsit apah bơni Miđai Mă bruă mrô dua kơ 5 čô pơplông mă pri prong hloh ƀơi SEA Games 31: Nguyễn Huy Hoàng, Grup pơplông luai ia dêh čar, hơmâo mă 5 pri miđai ia mah, lu hloh dua tal SEA Games; Trần Hưng Nguyên grup luai ia dêh čar mơ̆n, tŭ mă 4 miđai ia mah, hơmâo mă 2 pri prong hloh SEA Games 31; Nguyễn Thị Hương, Grup Canoeing dêh čar, hơmâo mă 5 miđai ia mah; mơnuih pơplông Nguyễn Thị Oanh, grup pơplông đuăi dêh čar, hơmâo mă 3 miđai ia mah, pri prong hloh 1 tal SEA Games.

Khua mir sir ơi Nguyễn Xuân Phúc ăt kĭ hră pơtrun apah bơni Miđai mă bruă mrô Klâo kơ 2 khul hăng 19 čô hơmâo mă pri tal SEA Games 31. Dua khul anun lĕ, Grup čưng boh lông đah rơkơi U23 dêh čar hăng Grup čưng boh lông đah kơmơi dêh čar, lêng kơ hơmâo mă pri miđai ia mah SEA Games 31.

Nay Jek: Pơblang