Khua tơhan krên dên Tô Lâm ƀơk radio kơ 100 čô mơnuih kơhnăk gru đưm tơring čar Kon Tum
Thứ năm, 15:08, 30/11/2023
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Hlâo kơ anun, tlam lơ 29/11, nao sem lăng bruă mă prăp lui jơnum ngă lơphet Hrơi gru grua hiam, Pơrơguăt drơi jăn hăng Tuai čuă ngui djop djuai ania kual Dap Kơdư tal I, thun 2023 ƀơi tơdron lăk 16/3, plơi prong Kon Tum, tơring čar Kon Tum, Khua tơhan krên dên Tô Lâm, ding kơna ding jum kơđi čar, Khua ding jum kông an hơmâo nao ngui hrŏm mơak atông čing suang arap kual Dap Kơdư laih anun ƀơk radio kơ 100 čô mơnuih kơhnăk gru đưm ƀơi Kon Tum.
Ră ruai hăng ƀing mơnuih kơhnăk gru đưm, khua tơhan krên dên čih pioh, bơni yôm bruă mơnuih ƀôn sang djuai ƀiă kual Dap Kơdư thâo hluh dŏ djă pioh hăng pơđĭ tui rơnoh gru grua hiam đưm amăng tơlơi hơdip mơda rim hrơi.
Khua tơhan krên dên čang rơmang rơnoh yôm boh hiam gru grua đưm hăng ană mơnuih mơnam, lŏn tơnah kual Dap Kơdư khom dưi pơlar tui, bang bơngač kơtang hloh brơi gơyut gơyâo amăng dêh čar hăng tač rơngiao thâo ƀuh. Ƀrô djơ̆ tal anai, Khua tơhan krên dên Tô Lâm hơmâo ƀơk 100 boh radio kơ ƀing kơhnăk gru đưm ƀơi tơring čar Kon Tum, nao jơnum hrŏm Hrơi gru grua hiam, pơrơguăt drơi jăn hăng tuai čuă ngui djop djuai ania kual Dap Kơdư tal I.
Viết bình luận