VOV4.Jarai - Mơmot tom brơi (19/6), Khul hlăk ai ƀôn prong Đà Nẵng gum hrom hăng Khul Tsubasa (Khul pơlir hơbit Hlăk ai ƀôn prong) pơphun “Ngă Lơphet bơkơtuai bôh thâo Việt Nam hăng Japan, Tsubasa Matsuri 2022” ngă pơhư̆č giăm truh 700 čô mơnuih hlăk ai, čơđai gưl dlông ƀơi hơdôm bôh sang hră cao đẳng hăng đại học amăng ƀôn prong gum hrom. Anai lĕ bruă mă hơdor glăi 50 thun pơdŏng bruă pơtom hiăp Việt Nam hăng Japan.

Jơnum ngui bơkơtuai bôh thâo Việt Nam hăng Japan hmâo pơdah glăi laih bôh thâo đưm pha ra mơng Japan, pơdă prưng hăng pơdah pơkra ia če mơng Japan, bôh thâo lop hla pơ-ar Origami, kual pơdă prưng tơlơi akhan hăng rŭp Japan, pơdă prưng băn ao đưm Việt Nam hăng Japan, hơdôm tơlơi ngui đưm hăng pơplông tơlơi adôh suang kơplah wah anom bruă. Khul hlăk ai ƀôn prong Đà Nẵng brơi thâo: Hluai tui bruă mă anai djru ƀing gơyut hlăk ai thâo dong kơ gru pha ra bôh thâo đưm Japan, hmâo anih anom hrăm tui bôh pơhiăp, mơng anun amra jing jơlan tô nao rai kơplah wah Japan hăng Việt Nam./.

Siu H’ Prăk: Pơblang