Lu plơi pla glăk ƀơƀrư̆ jing hơdôm ƀut čuă lăng, pơjing anih pơdah rơđah pioh ngă pơhưč tuai čuă ngui hăng lông lăng. Dak Lak hmâo pơkă pơđĭ kyar 16 bôh plơi pla tuai čuă lăng plơi pla, kiăng ngă pơhưč pran jua, pơtrut djuai tuai čuă lăng anai ngă tui ba glăi bôh tơhnal ƀơi tơring čar.

Tui hăng yă Nguyễn Thụy Phương Hiếu, Kơ-iăng Khua Gơnong bruă bôh thâo, bơkơjăp drơi jăn hăng tuai čuă ngui Dak Lak, pơlar bruă tuai čuă ngui plơi pla djru ba glăi bôh tơhnal bơwih ƀong – mơnuih mơnam kơ tơring čar rah, djru pơplih hơdră bơwih ƀong, pơjing bruă mă, hmâo dong prăk pơhrui glăi kơ plơi pla gum hrŏm hơdôm jơlan pơlir hơbit tuai čuă ngui. Hrŏm hăng anun, djru pơđĭ tui tơlơi pơmin djă pioh, ngă tui, lăi pơhưč bôh thâo phiăn juăt mơ̆ng neh wa nao hrŏm hăng pơlar tuai čuă ngui. Yua anun yơh, khom ngă hiưm hơpă pioh plơi pla thâo hluh rơđah hăng gum hrŏm klă amăng bruă wai lăng tuai čuă lăng gơgrong hlâo anun kah mơ̆ng dưi pơjing “pran hơdip" kơ tuai čuă lăng plơi pla./.