Mơmŏt (21/4) ƀơi tơdron lăk Hùng Vương, plơi prong Việt Trì, tơring čar Phú Thọ gum hrŏm hăng Ding jum gru grua, bơrơguăt drơi jăn hăng tuai čuă ngui pơphun hrơi jơnum ngui pran yang Hùng, rơwang hrơi tơjuh gru grua-tuai čuă ngui ƀơi kual lŏn ơi pơtao thun 2023; Jơnum đơ đam dêh čar gru grua gah bơngăt hơmâo UNESCO tŭ yap hăng pioh hơdor glăi 20 thun ngă tui tơlơi pơkôl thun 2003 mơng UNESCO”. Đĭ pơhiăp amăng mông pơphun, Kơ-iăng Khua dêh čar ơi Trần Hồng Hà lăi rơđah, djă pioh, pơjing hăng pơđĭ kyar rơnoh yôm gru grua djuai ania lĕ hơdôm bruă yôm hloh, kar hăng Khua git gai Ping gah dêh čar ơi Nguyễn Phú Trọng lăi pơtong amăng tơlơi pơsit mơng rơnuk ơi yă amăng jơnum gru grua đơ đam dêh čar thun 2021: “Gru grua dŏ, djuai ania dŏ”.

Hăng 15 gru grua gah bơngăt hơmâo UNESCO tŭ yap, Việt Nam lĕ sa amăng hơdôm boh dêh čar hơmâo lu gru grua yôm phara amăng rŏng lŏn tơnah. Tơdơi anun pơphun mông ngui adôh suang hăng anăn “Tơlơi hing ang mơng ơi yă-Kual lŏn pơtao Hùng Vương”. Jơlan hơdră hơmâo 3 črăn:Hing ang mơng ơi yă-kual lŏn ơi pơtao Hùng Vương, Anŏ yôm mơng gru grua hăng tơlơi hrưn đĭ mơng Lạc Hồng”.