Hăng hơnong pơkă hrưn đĭ tŭ yua amăng bruă bơwih brơi tuai čuă ngui amăng tơring glông Kon Plông, Jơnum min mơnuih ƀon sang tơring čar Kon Tum hơmâo tơlơi pơsit brơi akŏ pơjing khul tuai čuă ngui Măng Đen hăng amăng yang hrơi tlam lơ 22/5 hơmâo pơphun jơnum khul tuai čuă ngui Măng Đen tal I, rơwang thun 2023-2028.

Khul tuai čuă ngui Măng Đen lĕ grup mơnuih mơnam- pơtô bruă mă hơmâo 45 čô ding kơna, hơmâo akŏ pơjing hluai tui pran gơgrong mă mơng mơnuih ƀon sang hăng hơdôm anom bơwih ƀong amăng bruă tuai čuă ngui amăng tơring glông Kon Plông, tơring čar Kon Tum. Khul mă bruă ƀu djơ̆ kơnong yua tơlơi dưi đôč ôh, ăt lĕ kiăng pơlir djru brơi ding kơna mut hrŏm, gum djru tơdruă kiăng hrưn đĭ tŭ yua hăng pơhlôm brơi tơlơi dưi mơng tuai čuă ngui lơ̆m nao pơ tơring glông Kon Plông.