Kon Tum: Jơlan hơdră adoh suang “Đăk Hà bơyan tơjŭ pla” pơhưč hơdôm rơbâo čô mơnuih nao lăng
Thứ bảy, 09:32, 09/03/2024
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Tlam mơmot tom brơi (8/3), ƀơi Đang glai Đăk Uy, gah thôn 3, să Đăk Mar, tơring glông Đăk Hà, tơring čar Kon Tum pơphun Jơlan hơdră adoh suang “Đăk Hà bơyan tơjŭ pla” hơmâo lu mơnuih apăn bruă adoh suang hmư̆ hing amăng dêh čar.
Anai jing bruă anăp nao ngă lơphet 49 thun hrơi pơklaih rơngai tơring čar Kon Tum (16/3/1975 - 16/3/2024) hăng hrơi akŏ pơdong tơring glông Đăk Hà (24/3/1994-24/3/2024). Jơlan hơdră adoh suang “Đăk Hà bơyan tơjŭ pla” yua Pô kač rup eng ao Minh Hạnh pơčrâo brơi, hơmâo Nghệ sỹ Nhân dân Thanh Lam wơ̆t hăng lu mơnuih apăn bruă adoh suang hăng ƀing drơi jăn djuek hiam amăng dêh čar.
Pơphun amăng anih gru grua, hơmâo pơhrup hiam, hơdôm tơlơi adoh suang amăng “Đăk Hà bơyan tơjŭ pla” hơmâo pơƀuh gru grua hiam, yôm, bơni kơ pran jua mă bruă mơ̆ng mơnuih ƀôn sang djuai ƀiă pơ anai hăng mơnuih mơ̆ng djŏp plơi pla glăi hơdip pơ anai, ƀơi kual lŏn Đăk Hà mơtah hiam. Ƀing tuai nao lăng ăt hơmâo lăng lu gru eng ao hiam mơ̆ng Pô kač rup eng ao Minh Hạnh.
Viết bình luận