Amăng hơdôm bruă pioh hơdor glăi 93 thun hrơi akŏ pơjing Ping gah Cộng sản Việt Nam hăng 110 thun hrơi akŏ pơjing tơring čar Kon Tum (9/2/1913-9/2/2023), mơguah lơ (6/2) ƀơi tơring glông Tu Mơ Rông, tơring čar Kon Tum pơphun hrơi ngui đĭ Khinh khí cầu Sâm Ngọc Linh K5 “Por glăi kual čư̆ siăng”. Amăng mông ngui ngor, hơmâo abih tih 30 boh khinh khí cầu por hyu amăng tơring glông Tu Mơ Rông, anih bluh rai phun akha kyâo yôm kơ dêh čar Sâm Ngọc Linh.

Nao ngui hrŏm, hơmâo tuai čuă ngui hăng mơnuih ƀon sang, ƀing gơñu dưi đĭ khinh khí cầu soh sel kiăng kơ por hyu lăng anŏ hiam mơng glai rưng. Tơlơi yôm hloh lĕ nao ngui hrŏm hơmâo Trung tướng, mơnuih sông kơtang amăng khul ling tơhan Phạm Tuân, mơnuih blung a ƀơi dêh čar Việt Nam hăng kual Asia pôr đĭ hăng rơhuông adai thun 1980.